تخطيطك رائع لحياتنا

1

تخطيطك رائع لحياتنا ولا يمكن أبدًا تغلط
من كل كلامك الصالح مش ممكن كلمة هتسقط
عارف إيه الأفضل لينا كل حياتنا معاك في أمان
حاشا في يوم إنك تؤذينا كله لخيرنا مهما إن كان

2

صالح دايمًا مهما بيحصل عارف إنت بتعمل إيه
قصدك دايمًا هو الأفضل ليك الحكمة في إمتى وليه
ليك في الموت أكتر من مخرج وبتغير أوقات وأزمان
ومن الجافي حلاوة بتخرج وحدك ليك كل السلطان

3

عينك دايمًا ع اللي يخافك واللي بيترجى مراحمك
عندك رحمة وخير لولادك صالح وكتيرة أمانتك
فكرك دايمًا من ناحيتنا خير وسلام والآخرة رجاء
وبتحملنا في طول سكتنا وعندك لينا يا رب شفاء

4

إنك إله القدرة وملجأ في رعايتك تحمل وتصون
وبيدك ترسم أيامنا مستقبلنا معاك مضمون
راسم كل العمر وعارف كل الخير لحياتنا منين
لما بنتعب وحدك شاييف تقدر تسند مانت معين

Scroll to Top