تايب أنا و ندمان

1

تايب أنا و ندمان بتوسّل الغفران
خاطي أنا وغلطان وبعمري ما رضيتك
سامحني عاللي فات ياما مرق أوقات
بأفكاري والكلمات بعرف أنا عصيتك

القرار

راجعلك غسِّلني بدمّك
بدّي تصير عليّي راضي
آمنت وصدّقتك أنّك
قادر تمحي كلّ الماضي

2

من دونك ما فيّي عيش مثل النسر الما له ريش
تعبت من كتر التفتيش على معنى الهنا
جرّبت العيشة بلاك فكّرت بقدر أنساك
غلطت سامحني بترجّاك راجعلك أنا

3

العالم تركني مجروح مذلول وكسير الروح
لغيرك لمين بروح وعندك الحياة
مدّلّي إيدك داويني حضنّي يا حبيبي وعزّيني
أنت اللي بدمّك شاريني عصليب النجاة

---