أنا جاي ومسنود على وعدك

1

أنا جاي ومسنود على وعدك
وعيني تنظر لمجدك
واثق فيك وفي قوة حُبك
إنت إلهي صادق في وعدك

طول ما إنت جوة حياتي)
يهرب خوفي ويعلا هتافي
تهتف نفسي دا هو إلهي
يللي ضامني في حضنه الدافي)2

القرار

صادق صادق
صادق يا ربي إنت يا ربي
صادق يا ربي في مواعيدك

2

إن كانت الريح شديدة
أنا واثق إنك تبكمها
في الحديد لو دخلت نفسي
إلى رحبك ربي بتخرجها

ولو شفت نهايتي بعيني)
وماليش قوة إني أتكلّم
تحييني وتمدلي إيدك
تعمل في لما أسلم)2

3

مهما التجارب بتجرّحني
لمسة حنانك بتريحني
بتزكي صبري وتفرحني
كل أموري بتنجحني

زمن الضيقة زمن محدود)
مهما حزنه وليله يسود
أنا مستني فجر جديد
يوم ما تحقق المواعيد)2

Scroll to Top